दैलेखको पगनाथ ५ गन्मका ज्योतिष पञ्चरत्न अधिकारी र कट्टी खोलापारिको खोर गाउँका शाहीबीच भदौ ९ गते मोबाइलमा यस्तै बातचित भयो । आफ्ना गाउँका अतिरिक्त बडाभैरव, कट्टी, डाँडापराजुल, लाँकुरी, विन्ध्यवासिनी सहित छिमेकी गाविसका बासिन्दाले आफूसँग ज्योतिष सेवा तथा परामर्श मोबाइलबाटै लिने गरेको अधिकारी बताउँछन् ।
सञ्चारको विकासले हरेक क्षेत्रका कामकाजमा सहज भएजस्तै ज्योतिष अधिकारीलाई पनि मनग्गे फाइदा हुनपुगेको छ । 'बच्चाको नाम जुराउने, भविष्यवाणी गर्नेदेखि ग्रहदशा हेर्ने र शुभअशुभ कार्यको साइत हेर्ने काममा मोबाइल साथी भएको छ,' उनले खुसी हुँदै सुनाए, 'यस्ता सबै कामको अर्डर मोबाइलबाटै लिन्छु र हेरिसकेपछि यसैबाट जानकारी गराउँछु ।'
ज्योतिष अधिकारी जिज्ञासुका सबै प्रश्न टिपोट गरिसकेपछि पञ्चाङ्ग हेरेर मोबाइलबाटै सन्देश बताइदिन्छन् । उनले यही माध्यमबाटै वैदिक संस्कारका थुपै्र कार्यक्रमको निम्तासमेत पाउने गरेको बताए । 'ज्योतिषमार्फत गाउँवासीको सेवा गर्न पाउँदा मन प्रफुल्ल हुन्छ,' उनले भने, 'वषर्ाका बेला टाढाटाढाबाट सर्वसाधारणलाई घरमै धाउन समस्या पर्ने भएकाले मोबाइलबाटै जानकारी दिन पाउनु राम्रो हो ।' समय बचत र धपेडी नपर्ने भए पनि मोबाइलबाट ज्योतिष सेवा तथा परामर्श दिँदा अधिकारीलाई दक्षिणा प्राप्तिमा भने समस्या पर्ने गरेको रहेछ । 'गाउँलेले फोन गरेर काम लाउँछन् गरिदिनै पर्यो,' उनले समस्या सुनाए, 'तर काम गरेबापत फोनमै दक्षिणाको कुरा गर्न अप्ठ्यारो, घरघर धाउँदा ढिलो भइसकेको हुन्छ ।' उनलाई ज्योतिष सेवा प्रदान गरेबापत दक्षिणा असुली कम हुने गरेकोमा खासै गुनासो रहेनछ । अरू कुनै कामबाट पनि पैसा आर्जन गर्न सकिने भएकाले यसलाई महत्त्व नठानेको उनी बताउँछन् ।
२०४७ देखि आफ्नै पिताबाट ज्योतिष ज्ञान सिकेको बताउने ५४ वषर्ीय अधिकारी पछिल्लो पुस्ताको यसप्रति आकर्षण घटेकोमा निकै चिन्तित छन् । 'आजभोलि मान्छे असाध्यै छाडा भए । राम्रो र नराम्रो नकेलाएरै काम गर्छन्,' उनको गुनासो छ, 'तिनीहरूलाई ज्योतिष विज्ञान हो भनेर बुझाउनै मुस्किल पर्छ । ज्योतिष ज्ञान लिएर काम गर्ने हो भने कामकाजमा सफलता हात पर्छ ।'
:- प्रकाश अधिकारी कान्तिपुर
No comments:
Post a Comment